SUK Sarawak Begulai Enggau Raban Media Serimbai Lemai Masa Media Penyangkai Kapal Bintulu 2026
KUCHING: Sekretari Perintah Sarawak, Datuk Amar Mohamad Abu Bakar Marzuki begulai enggau raban media serimbai Lemai Masa Media Penyangkai Kapal Bintulu 2026, ditu, Hari Tiga.
Penatai iya urung pukul 8 lemai disambut Kaunsil Direktor Penyangkai Kapal Bintulu Holdings Berhad Dato (Dr) Salihin Abang enggau Presiden ti mega Tuai Pegawai Eksekutif Penyangkai Kapal Bintulu Holdings Berhad Dato Ruslan Abdul Ghani.
Ku Dato Ruslan, penatai Datuk Amar Mohamad Abu Bakar lemai nya, mandangka sukung sereta basa iya ngagai raban media ba pengeransing nyadung berita pemadu baru bekaul pemansang penyangkai kapal sepemanjai taun dulu.
“Tu kali ketiga tauka taun ketiga bejurut Datuk Amar Mohamad Abu Bakar enggau kitai ba pengerami makai lemai baka tu.
“Tu nyengala mandangka sukung, kaul rat, penyayau sereta ke besai reti agi, basa iya ngagai raban media,” ku iya maya bejaku ba program nya.
Maya nya mega, Datuk Amar Mohamad Abu Bakar ti mega Chairman Penyangkai Kapal Bintulu Holdings Berhad ngemataka pengawa nyua plak basa ngagai pengari media ke bisi datai.
Sama datai, Residen Bagi Menua Kuching Dayang Joanita Azizah Abang Morshidi, Direktor Opis Pemadah Malaysia, (JaPen) Sarawak Sabri Said enggau Menijar Besai, Group Stakeholder Relations Bintulu Port Holdings Berhad Maslihah Tioh. -EDISI UKAS